Хонқа туман тиббиёт бирлашмасида “Йилнинг энг яхши ҳамшираси – 2026” кўрик-танлови бўлиб ўтди.

2026 йил 26 март куни Хонқа туман тиббиёт бирлашмасида тиббиёт соҳасида фаолият юритаётган ҳамшираларнинг касбий маҳоратини ошириш, уларнинг меҳнатини муносиб рағбатлантириш ҳамда илғор тажрибаларни оммалаштириш мақсадида “Йилнинг энг яхши ҳамшираси – 2026” кўрик-танлови ўтказилди.

Мазкур танловда туман тиббиёт муассасаларида фаолият олиб бораётган малакали ҳамширалар иштирок этиб, ўз билим ва кўникмаларини намойиш этдилар. Иштирокчилар назарий саволлар, амалий топшириқлар ҳамда касбий маҳоратга оид шартлар асосида баҳоланди.

Танлов жараёни адолатли ва шаффоф тарзда ташкил этилди. Ҳакамлар ҳайъати томонидан иштирокчиларнинг касбий билим даражаси, беморлар билан мулоқот маданияти, тезкор қарор қабул қилиш қобилияти ва амалий кўникмалари алоҳида эътибор билан баҳоланди.

Якунда энг юқори натижаларни қайд этган иштирокчилар ғолиб деб топилиб, ташкилотчилар томонидан диплом ва эсдалик совғалари билан тақдирландилар.

Ушбу кўрик-танлов тиббиёт ходимларининг касбий салоҳиятини янада ошириш, соҳа нуфузини юксалтириш ва аҳолига кўрсатилаётган тиббий хизмат сифатини яхшилашга хизмат қилади.